Богдановиќ: Панорамското тркало нема да се гради, ќе има одговорност за криминалниот проект Скопје 2014(видео)

Кандидатот за градоначалник на општина Центар од СДСМ Саша Богдановиќ најави детална ревизија на „Скопје 2014“:

– Поради тоа што станува збор за проект од јавен интерес, јас како градоначалник на Општина Центар ќе ја објавам целата документација за „Скопје 2014“. Од одговорност нема да биде поштеден никој – порача Богдановиќ.

Затоа, рече тој, ќе направиме детална и функционална ревизија со надлежните институци како на целиот проект, особено на тоа како брутално се спроведувале тендерите и набавките и деталните урбанистички планови што овозможија „Скопје 2014“ да биде најпознат архитектонски феномен во регионот, се разбира по лошо.

-,, Галиите, шмизлите, Прометеј и целиот криминален и налудничав проект „Скопје 2014“ ја одзема душата и убавината на централното градско подрачје. Се украдоа милионски суми од граѓаните за барок и стиропор. Со енергична борба успеавме да спасиме да не никнат и Шпански скали, а со новата власт во Скопје ќе се сопре и изградбата на Панорамското тркало. Се боревме и за Кејот и за зеленилото. Но власта продолжуваше со безумието. Проектот за жал на центарци, на скопјани и на цела Македонија е целосно реализиран, но Општина Центар сè уште може да направи многу повеќе во однос на ова чувствително прашање што досега никогаш не е докрај расчистено – рече Богдановиќ.