ВМРО ДПМНЕ: СДСМ ја започна пресметката со сите што не се СДСМ

,,Наместо живот за сите како што лажеше СДСМ, веќе над 60 луѓе од Карпош и Делчево добија отказ од работа. Toa се 60 семејства кои остануваат без егзистенција. СДСМ почнува пресметка со секој еден кој не е СДСМ. Сите инстанци на власта контролирани од СДСМ почнуваат со партиски реваншизам и бркаат луѓе од работа по желбите на локалните партиски шефови.

Штетните ефекти од најавуваниот живот на СДСМ се гледаат на дело. Во општина Делчево се отпуштени 12 негувателки и воспитувачки во детската градинка Весели Цветови. Овие 12 лица настрадаат само затоа што не беа членови на СДСМ, иако се квалификувани и долгогодишни професионалци кои се грижеле за стотици деца досега.

Само со еден потпис на антиреформските власти на СДСМ на локално ниво без егзистенција се оставени 12 семејства, а близу 350 деца ќе останат без своите негувателки и воспитувачки.

Со ова не се прави штети само на вработените кои со години придонесувале во воспитниот процес на децата, туку се прави и психолошка траума на децата и нивните родители, бидејќи децата кои се привикнувале во мала возраст на некој, сега треба да се привикнуваат на сосема друг.

Сето ова е резултат на штетната и осветничка политика на СДСМ, кои сакајќи да му наштетат на ВМРО-ДПМНЕ, им штетат на професионалци и луѓе посветени на едукацијата на најмладите деца. Дел од овие лица или не биле ченови на ВМРО-ДПМНЕ или биле партиски неопределени граѓани. Единствен грев им бил што работниот ангажман кој одговорно го вршеле, го добиле во време кога СДСМ не бил на власт.

Реваншизам и отпуштање од работа на луѓе кои не се СДСМ, партијата спроведе и во Карпош, Стефан Богоев без основни средства за егзистенција уште во првата недела од своето владеење остави без основни средства 50 луѓе, кои ги избрка од работа.

Очигледно СДСМ се води според максимата или си со нас или не си со нас и за тоа следува соодветна санкција, бркање од работа, малтретирање и доведување до работ на егзистенцијата.

Ова е вистинското лице на СДСМ. Тие во пракса ја применуваат идеата на Зоран Заев дека ќе јаде живи луѓе кога ќе дојде на власт, дека ќе брка од работа и ќе партизира од чистачка до министер. Ова граѓаните го гледаат, а многумина кои дури и се неопределени ќе го почуствуваат на свој грб. Се работи за целосно забегана структура, која својата некомпетентност и комплексираност ќе ја истураат врз граѓаните, мислејќи дека така ќе му наштетат на политичкиот ривал.

Штетата од оваа политика на СДСМ ќе ја чуствува државата и нашиот народ, кој многу брзо ќе ја види целата непсобност и омраза која постои во редовите на СДСМ.“-соопштение на ВМРО ДПМНЕ.