Двајца Французи се приведени откако со ловечка пушка раниле жена на нива во прилепско

На 23.10.2017 година околу 15.10 часот, на излез од с.Кривогаштани, прилепско, кон с.Крушеани, В.П. (28) од Прилеп, додека извршувала земјоделски работи во нива, се здобила со повреда во вратот од огнено ловечко оружје. Таа во контактибилна состојба, со возило на Итна медицинска помош, била пренесена во Медицински центар Прилеп. Увид на местото на настанот извршила увидна екипа на Полициската станица Прилеп. Истиот ден во 17.30 часот во Полициската станица Прилеп, под сомнение за сторено кривично дело „предизвикување општа опасност“, по член 288 од Кривичниот Законик на Република Македонија, биле приведени Х.М. (52) и Г.П. (64) од Република Франција. Се преземаат мерки за целосно расчистување на случајот, соопшти МВР.

Иако во соошптението не се наведува, претпоставка е дека француските државјани биле во лов на дивеч.

Фото:архива