МВР: Пријавен е обид за изборен поткуп и искршено стакло на штаб на политичка партија

На 14.10.2017 околу 00,55 часот, А.Б. пријавил дека на ул.„Цветан Димов“ во Скопје, непознат сторител со бекатон плочка скршил прозорско стакло од штаб на политичка партија.

На 13.10.2017 М.С. од село Корешница-Демир Капија во Полициската станица Неготино пријавил дека С.Б. (43) од с.Корешница  му понудил пари за да гласа за еден од кандидатите за градоначалник на Демир Капија. Во врска со пријавениот настан, во Полициска станица Неготино заради прибирање на информации се повикани неколку лица  и за истото се известени јавен обвинител од Основно јавно обвинителство Кавадарци и Основно јавно обвинителство Велес, кои дале насоки по комплетирање на случајот да се поднесе соодветен поднесок до Основно јавно обвинителство Велес со целокупната документација.

Фото:архива