Основен суд 1 го обвинува СЈО за јавен линч на судии и за закани

Основен суд Скопје 1 одговори на прозивките за несоработка од страна на СЈО. Во соопштението се вели:

 

Во врска со објавеното соопштение од страна на Јавното обвинителство за гонење кривични дела поврзани и кои произлегуваат од незаконското следење на комуникациите ( СЈО ), Основниот суд Скопје 1 – Скопје во интерес на правилно, целосно и вистинито запознавање на јавноста со реалната состојба во релaција на судот со конкретното обвинителство информираме за следното, се вели во соопштението на Основен суд:

,,Имено, на посочената дата од страна на СЈО, 20.01.2017 година, Јавениот обвинител Лиле Стефанова од СЈО додека се уште траело работното време во судот, пристигнала во судот и се упатила директно кај дежурниот судија на претходна постапка со 4 барања, што е констатирано и од самиот дежурен судија на барањата кој ги примил во 16:05 часот, без притоа обвинителот истите да ги поднесе преку приемното одделение кај овластениот службеник, а што е спротивно од Деловникот за работа на судот и укажувањето на претседател на судот, да се почитува Деловникот за работа при прием на писмено барање во судот, заведување и оформување  предмет и внесување во АКМИС – електорнскиот систем на судот.

За судот е нејасно зошто, и покрај воспоставените процедури, јавниот обвинител Лиле Стефанова не ги испочитувала истите и се упатила директно до дежурниот судија на претходна постапка и конкретните барања не се спроведени на соодветен начин и не се внесени во АКМИС системот, а имајќи предвид дека имало доволно време со оглед дека работното време на судот е до 16:30 часот, а дежурниот судија постапува по 16:30 часот.

Во однос на предметите во Кривичните совети при овој суд, истите се доделуваат на ист начин како и во останатите оддели, односно исклучително се внимава кој судија колку пати постапувал во советите, а со цел да се запази принципот на рамномерност односно подеднаква распределба на предметите кај сите судии кои одлучуваат самостојно.

Дополнително, зачудува заканувачкиот вокабулар во писмените дописи и јавни соопштенија на СЈО кон судот и судиите, а јавното повторување на имињата и презимињата на судии на претходна постапка и судии во Кривичните совети кои постапуваат по конкретни предмети. Јавните прозивки не можат да  влијаат врз судиите во овој суд и нивното непристрасно и законито одлучување.

Особено ако се земе  предвид начинот на презентирање на соопштенијата каде за судските одлуки од кои СЈО не се задоволни ги објавуваат имиња и презимиња на судиите, додека за оние одлуки од кои се задоволни не ги објавуваат имињата и не се информира јавноста, иако се работи за истите судии со што се прави обид за јавен линч на судиите.

Постапувањето согласно Законските процедури и Судскиот деловник од страна на судиите при овој суд во никој случај не претставува „отежнување“ на нечија работа, особено ако другата страна очигледно, намерно или случајно, излегува од воспоставната процедура по која и претходно се постапувало,, – се вели во одговорот на Основен суд Скопје 1 на вчерашното соопштение на СЈО во кое искажа незадоволство од соработкака со судот.