Осомничениот за убиството во Охрид е пронајден во Куманово

Основно јавно обвинителство соопшти дека осомничениот за свирепото убиство на 67 годишната пензионерка во Охрид е пронајден и уапсен во Куманово.

Во координирана акција на надлежните органи, лоцирано беше лицето кое е осомничено за извршеното разбојништво со смртни последици, кое се случи во Охрид на 20 февруари. Лицето е лишено од слобода и по наредба на надлежен јавен обвинител во тек е преземањето на дејствија за натамошно расветлување на кривично правниот настан.
Осомничениот кој потекнува од Куманово, во моментот на разбојништвото живеел во иста станбена зграда со жртвата и се познавал со неа. По извршеното разбојништво, осомничениот заминал за Куманово со намера да излезе од границите на државата.
Основното јавно обвинителство Охрид ги презема сите потребни дејствија за кои јавноста благовремено ќе биде информирана-се вели во соопштенито.

Пред два дена во Охрид пред нејзиниот стан на улица Галичица, беше убиена 67-годишната Спаса Бојоска . Убиецот потоа го внел телото во станот, по што извршил кражба и заминал.