Шерифовски од џудо клубот МИОКИ освои седмо место на Светското првенство за кадети

Еди Шерифовски (- 73 кг) е седми на Светското џудо првенство за кадети во Сантјаго – Чиле, што е голем успех за македонскиот џудо спорт.

Шерифовски имаше шанса да го оставри најголемиот успех на македонското џудо, но во решавачката битка за влез во полуфиналето со Мароканецот Ајман Елхусаини беше поразен со ипон. Во репасажот се сретна со Турчинот Мухамед Коџ од кого исто така загуби со ипон.

Инаку Шерифовски во првите две борби славеше со ипон против Лик Вокер од Тринидад и Тобаго,а потоа и над Абјалај Уетов од Азербејџан.

Завчера Арбреша Реџепи (-48 кг) беше поразена од фаворитката Аико Ватанабе од Јапонија со 1 ипон и 1 вазари, а Хамза Јашари (-66 кг) загуби со вазари од Молдавецот Петру Пеливан.