Артан Груби предупреди дека се игра опасна игра

,,Заедничката изјава на албанските политички партии во Македонија е изјава напишана во Скопје, од страна на  партии на Албанците  во Македонија и е изјава за една европска Македонија. Одделните точки од заедничката изјава  извираат од нашите изборните програми и на ниту еден начин не задираат врз унитарниот карактер на државата, не предвидуваат на никаков начин федерализација, ниту кантонизација, ниту пак поделба на земјата.

Ги повикувам македонските медиуми и политички партии, нивните меѓупартиски судири да не ги прават на етничка основа, а уште помалку користејќи одвоени делови од нашите изјави, ставајќи ги во хистеричен контекст на нивните концептуални судири бидејќи, прво, не е во полза на вистината, и второ е една опасна игра“.

ФБ статус на Артан Груби