ВМРО ДПМНЕ: Владата на СДСМ спроведе криминални избори, државата оди во банкрот

,,Владата на СДСМ спроведе криминални избори. Тоа им беше потребно за да владата на СДСМ и Зоран Заев продолжи да ја раскрчмува државната каса, и да ја ограбува државата. Тие ги излажаа и изманипулираа граѓаните и го прекршија ветувањето кое што го даде во предизборието дека нема да ја задолжува државата.

Владата на СДСМ се задолжи за над половина милијарда евра, односно неверојатни 540 милиони евра. За 5 месеци над половина милијарда евра.

Ова е потврда дека владата на Зоран Заев е неспособна влада и не може да функционира без задолжување

Неодговорната и неграѓанска влада на СДСМ наместо да ги покачува пензиите, да ги зголемува платите, да отвора нови работни места и да инвестира во инфраструктурата, таа ги крати, укинува и блокира сите проекти, а на сметка на недомаќинското работење ги задолжува граѓаните на Република Македонија.

СДСМ не само што не ги покачи пензиите на пензионерите, туку секој пензионер го задолжи во просек од вртоглава сума за над 110.700 денари. Со ова СДСМ и Заев покажуваат дека не водат грижа дури ни за највозрасната категорија на граѓани.

СДСМ безмислоно ја задолжува државата и идните генерации, без постоење на реален основ и без да каже на што и како се трошат парите.

Државата оди во банкрот. Одговорноста за оваа кражба на државата ќе дојде и ќе има“-пишува во денешното соопштение на оваа партија.