Жерновски најави кандидатура и очекува поддршка од СДСМ

Градоначалникот на општина Центар најави дека ќе се кандидира на претстојните локални избори за уште еден градоначалнички мандат. Тој во ФБ објава по друг повод, најави сигурна победа на СДСМ и коалицијата, не само во Центар, туку и во град Скопје.

ВМРО-ДПМНЕ очигледно уште не може да го преболи Центар.

Според последните резултати, јасно е дека ги чека убедлив пораз. Со текстови и шпекулации, како денешниот во „Дневник“, се обидува да направи поделби и гледа можност да профитира. Тоа нема да го дозволам, а верувам дека нема да го дозволи ниту СДСМ.
“Дневник” и новинарката Искра Коровешовска “заборавија” да ја вметнат мојата изјава, дадена за овој текст, со оправдување дека утре ќе ја објавat. Бидејќи може да се случи утре да ја остават за задутре, еве денеска јас ќе го објавам мојот одговор по однос на овие шпекулации, па нека ја „преземат“ изјавата од Фејбук.


„Постапките во СДСМ за избор на кандидати за градоначалници и советници се започнати и ќе траат до средината на март. Од она што го знам, и што ме прави горд, јас сум предложен од речиси сите месни одбори. Денеска ќе ја предадам мојата програма, согласно партиските процедури. Исто така, според последните истражувања, две третини од центарци се задоволни од мојата и наша работа, а преку 60% би дале поддршка за повторна кандидатура. Тоа, за мене, претставува огромна чест, но и обврска.


Ја очекувам поддршката од СДСМ за мојата кандидатура и верувам дека така ќе биде“.

P.S. Цврсто сум убеден дека на наредните локални избори, ќе победиме и во Град Скопје.

FB статус на Андреј Жерновски,градоначалник на општина Центар