Мајка се жали на расистички напад врз нејзините деца во Скопје

Милена А. Милошевска, на својот ФБ профил објави апел за споделување на нејзиниот пост во кој информира дека нејзините малолетни деца, кои се родени и живеат во Скопје, биле цел на расистички напад во центарот на градот.

,,ДОСТА Е!!!“-вели таа, и го објаснува не само вербалниот, туку и физичкиот напад од две 20 годишни момчиња врз нејзиниот син.


,,Син ми Нишон (13г.) и неговите брат и сестра (9г.) одејќи кон музичкото училиште, на плоштадот Македонија во родниот ни наш град Скопје, биле нападнати вербално на расна основа од страна на двајца млади мажи околу 20г. Им го попречувале патот и ги нарекувале “Niggers”. Син ми, НИШОН е удрен со многу силна тупаница по главата (повреден) поради тоа што ги прашал дечките зошто ги навредуваат и дали тоа го прават на секој поразличен физички од нив…
Имало луѓе наоколу, но никој ништо не сторил во моментот…
Дечките избегале, јас како мајка случајот, потоа, го пријавив во полиција и им ветувам на моите деца, дека јас како нивен протектор, ОВДЕ,ДОМА во Р.С.М. нема да дозволам повеќе да бидат/бидеме вербално и физички напаѓани без никаква основа, а никако па на расна основа…
Значи навреди како: “Nigger”,”Црнчуго”, Циган”, Црн ко гомно” не се ЗАБАВНИ и нема да пројдат онака…
П. С.
“Јас имам предрасуди кон оние кои се полни со предрасуди”-пишува Милена. 

Милена со нејзините деца, преземено од личниот ФБ профил