Митаноски: Чиста биологија-Боки tredici може да го изнедри само едно гнило, атрофирано, перверзно општество!?

Пишува: Веле Митаноски

Тоа е чиста биологија: Боки tredici  може да го изнедри само едно гнило, атрофирано, перверзно општество!?

Умните велат – ништо не е случајно!

Рационалните додаваат – најмалку во политиката и околината нејзина!

Боки – 13, може да го изнедри само едно гнило, атрофирано, перверзно општество!

Тој, самиот по себе, е една голема перверзија!

И сите околу него, вклучувајќи ги и моите колеги – новинари, во неговата телевизија.

Секоја чест на исклучоците!

За моја и ваша жал, преовладува една општа перверзија и во медиумската заедница!

Секоја чест на исклучоците!

Во таа сеопшта перверзиоја – калакурница, важен е само Боки!

За владеачката структура, важно е кој, на кој начин ги насанкал, а не зошто, односно не е важно како се себенасанкала, засукале како кленови во плитко блато!

Деновиве од највисоко место слушнавме дека тие покажале (и докажале – нека ми извини лицето Б.Ц!) дека “не се свети крави”!?

За опозиција е важно кој крадел – тука и денеска, а не кој крадеше и до вчера, а продолжува – и денеска!

Чест на исклучоците, но, моите колеги, сопственици на портали, порталчиња и слични – парталчиња, увце не ги боли за тоа, како се трошат силни милиони народни пари во летните културни манифестации?

Тие немаат простор, ниту за настаните (настапите), кави тие и да се?

А, уште помалку знаат дека има ентузијасти во алтернативната култура, кои прават настани, на свој есап, често пати подобри и од оние на ,,официјалната!“ (не)култура!

Сте прочиталени некаде дека Мишо Јузме, поет, писател и веројатно – прв полиглот во земјата, во неговата ,,Култура 365”, секоја вечер, приредува култура и уметност, понекогаш на повиосоко естетско ниво, од официјалните институции?

Тој не прави прес конференции по скапи хотели и луксузни кафеа, нема екипи и претседатели на комисии кои цело лето се ,,измачуваат” по хотели и ресторани на трошок на јадниот народец?

Кај него не одат министерот и неговиот заменик, затоа што нема што да им даде – пред и после претставата!

Медиумите немаат простор ниту за случувањата во ,,Куќа Уранија” на МАНУ! Таму не свраќаат и министрите и замениците!

Таму нема гага!

Не е вест куче да касне човек, туку човек да касне куче! Моите колеги дури не знаат чија е досетката, па му ја припишуваат на Черчил!А од него е постара, богами, за едно столетие!

Тоа што УНЕСКО – патронот на Охрид (на денот на Свети Климента – закрилникот) испрати човек од Равена – седиштетото на Светската академија на посезијата, уште и прв човек на Одделот за целиот словенски свет, тука во Охрид, во куќата на бесмртните (МАНУ) да го брани Охрид преку поетската реч, за медиумите не е никаков предизвик!

Никој не гледа дека Охрид не можеда дише! Се е препослано од возила!Пешаците се набркани од нивните патеки и тротоари, велосипедистите исто така, зеленилото е под четири тркала, цевките пукаат, градот мириса!!!

Всушност, смрди на одделни места, смрди под товарот на политичко – урбаната мафија, за које нема друга светост освен парите!

А парите се зараза: Секогаш се во потрага по свежа (народна) крв!

Тоа што Охрид, деновиве, има повеќе гости од домаќините, никого не го замислува! Важно е да цветаат урбаната мафија, па такси-мафијата, кафана-мафијата, плажа-мафијата и се понатаму!

Ете, еднаш се ,,претера со новинарството” со Велија и А1, сега со Боки – 13 и ТВ 1. И сега Цацко, Геро ни е виновен! Геро не прави, денеска, ништо поразлично од она што го правеше до вчера.

До вчера некритички го фалеше СДСМ, денеска, на ист начин, некритички го омаловажува! И каде е тука “топлата вода”!?

Геро е мајстор да направи медиум. Тој знае ,,со гол задник да фати риба!”. Со малку пари – за редакциските и колегите дописници да одржува весник.

Но Геро живее во оваа иста вукојебина (нема даму годи оваа формулација на Тричко, а до вчера му годеше!) и затоа Геро е – само уште еден повеќе меѓу ловците на скандали, затоа што нашиот печат (овде ќе го цитирам Карлос Луис Зафон), станува ,,граблива птица што цвета на невољата и бесрамноста, за спектаклот да биде опишан како дантеовски и морничав!”.

И што има тука непознато? Тоа е чиста биологија!”

Повторно Карлос Луис Зафон:,,Човекот, како добар мајмун, е општествено животно и го одликуваат секташењето, непотизмот, арамилакот и озборувањето како внатрешна норма на етичко однесување.Тоа е чиста биологија!”

Веле Митаноски