Од 728 тестирани 41 позитивен на КОВИД 19

Во последните 24 часа се направени рекордни 728 теста за КОВИД-19. Досега во земјата се направени вкупно 14.758 тестирања.

Потврден е 41 нов случај на КОВИД-19 и тоа во:
– Скопје 17
– Куманово 8
– Прилеп 8
– Тетово 4
– Струга 1
– Велес 2
– Битола 1

Со ова вкупната бројка на дијагностицирани во нашата земја изнесува 1367 лица.

Денеска се регистрирани 37 оздравени пациенти. Од нив 2 пациенти од болничко лекување и 35 кои се лекуваа во домашни услови.

На Инфективната клиника во Скопје почина пациент на 36 години од Гостивар, кој освен обезност(прекумерна тежина) немал други коморбидитети(хронични болести), но неговата клиничка слика била тешка. Во денешната евиденција на институтот на починати од КОВИД-19 ќе биде заведен и пациент од Скопје кој бил на возраст од 25 години. Починал на 23 април, а неговиот втор-постмортем позитивен резултат на коронавирус пристигнал утрово. Пациентот имал Даунов синдром, бил хоспитализиран на 20 април со тешка клиничка слика и наод бронхопневмонија.