Пишев и Груевски од Струмица повикаа да гласаат за нив

 

,,Ова е најубавата земја, земја на Александар, на Гоце, Даме, Ченто, Мајка Тереза, земја на загинатите херои од 2001 и оние од Дива населба. Струмица е град на славните 5 загинати студенти, заради патриотски идеали. Град на Борис Трајковски, Гоце Арнаудов, Агушев. Славен град не сака федерализација и двојазичност, ние сме бедем. Додека одиме и дишеме нема да има ниту двојазичност ниту федерализација-рече кандидатот за пратеник Васил Пишев од митингот на ВМРО-ДПМНЕ  и Коалицијата во Струмица.

-Го гледам на Тв вели дека потекнува од чесна фамилија. А татко му има судска пресуда за крадење на струја, како и за затајување на данок. И негов прв братучед има судска пресуда за затајување на данок. Крушата под круша паѓа. Тоа ли е Зоран твојата чесна фамилија? Боже прости му не знае што прави.Тој ли ќе биде премиер. Тука во Струмица го викаме „Човекот од 1 евро“ , рече Пишев.

Зоран Заев си умисли дека е месија земен од господ да ја води опозицијата. Ја води ама во пропаст, вели Пишев.

-Месијата ја згрешил мисијата. Заев не лаже дека е црпнат, ама не од господ, туку од надворешен фактор. Месија кој има мисија да ја разобличи Македонија. На еден албански лидер му пиша дека го подготвуваат од надвор. Му вели дека ќе имале добри перспективи, на жената на Чауш му пишуваше да не се грижи, оти се знаело кој е зад нив. Тој е странски измеќар. Сака да слугува. Без да трепне кажа дека ќе го вовел албанскиот јазик како втор службен. Дека Рамковниот договор треба да биде надграден, во програмата пишал дека треба да се децентрализира полицијата, -рече кандидатот за пратеник од Струмица Васил  Пишев.

Лидерот на партијата Никола Груевски рече дека знае оти граѓаните ќе се изборат за Македонија каква што им треба

-Ти знаеш кои сме, и што сме, се знаеме долго, со сите мани и предности, предизвици и успеси и знаеш дека работиме многу и дека се бориме многу и ти знаеш дека за Македонија се работи! Сега е твоето време! заедно со нас ! избори се! избори се! Вака лидерот на ВМРО-ДПМНЕ и носител на ИЕ 4, Никола Груевски им се обрати од Струмица на сите граѓани во Македонија.