Полицијата го уапси Стевчо Јакимовски

Полицијата по налог на јавен обвинител утрово го уапси лидерот на партијата ГРОМ и ексградоначалникот на Општина Карпош, Стевче Јакимовски, како дел од нова истрага, објавија А1он и „Макфакс“.

Јакимовски утрово треба да биде изведен пред судија на претходна постапка во Кривичниот суд, каде што за него ќе се бара притвор.

Поранешниот градоначалник и лани во август беше уапсен. Финансиската полиција, кај Јакимовски истражуваше во врска со три тендери, од кои два за општинските бараки и еден за плоштад во Жданец.

Повеќе информации за истрагата се очекуваат во текот на денот, пишуваат А1он и Макфакс.