СДСМ:Груби ја закопа лагата на Груевски за федерализација и двојазичност

 
,,Вчера, Артан Груби ја закопа лагата на Никола Груевски за двојазичност и за федерализација-изјави потпретседателот на СДСМ Дамјан Манчевски.

Лага која единствено постои во главата на Никола Груевски.

Артан Груби, јасно кажа кој на Никола Груевски му ги раководи институциите.

Предлагам да чуеме лично г-динот Груби-рече Манчевски и презентираше тонско парче изјава од Груби.

„УЧК ја води Владата на Република Македонија, УЧК го води Собранието на Република Македонија, УЧК ги води општините во Република Македонија“

,,По ваквото признание дека УЧК ги води Владата, Собранието, и општините, Груевски и Ахмети треба веднаш да престанат да сеат меѓуетничка омраза меѓу граѓаните.

Лагите за федерализација се само за предизборни цели како и многу други лаги претходно.

Сакаме јасно да порачаме дека по 11 декември, по промените, Владата и Собранието нема да ги предводат ниту фамилијата на Груевски ниту УЧК.

Државата ќе ја предводат луѓе коишто се грижат за животот на сите граѓани на Македонија, без разлика на нивната етничка припадност,,-рече Манчевски.