СДСМ: Лага се пишувањата на Курир, Република…за прогласување геноцидни народи

,,Лага се пишувањата на порталите Република, Курир и медиумите што ги пренесуваат, за некакви менувања на државното знаме и химна, за некакви осуди на народи за геноциди, за јазични решенија спротивни на Уставот и слични измислици. Сите тие лаги се само тенденциозен обид за подгревање национална нетрпеливост помеѓу Македонците и Албанците, Албанците и Србите, Турците и Албанците, Македонците и Србите…

Огромното мнизинство граѓани, над 612.000, Македонци, Албанци, Турци, Срби, Власи, Роми, Бошњаци, други, застанаа еден до друг заедно во цврстата определба за живот, правда, промени и заедништво во Македонија.

Затоа, граѓаните се факторот на стабилност во Македонија. Криминалната власт е дефакторизирана.Граѓанска Република Македонија чекори кон напредна, стабилна и сигурна иднина за сите. Демократските процеси во Македонија се почнати и се незапирливи. Тие носат нова реформска Влада, каква што избраа мнозинството граѓани, којашто ќе води реални политики и ќе работи во интерес на нивните реални потреби“-реагира Социјалдемократскиот сојуз на македонија на пишувањата на овие портали и други медиуми.

Граѓаните на Македонија ќе имаат квалитетен живот. Ќе живеат во праведно и правично општество, каде што ничии тефтерчиња и телефони нема да одлучуваат за нивните животи. Ќе живеат во едно општество, обединети, без поделби, раздор, омраза и нетрпелливост што беше начин на работење на досегашната криминална власт на Никола Груевски.

Македонија нема да биде изолирана земја којашто несовесни политичари ја караат со светот, туку држава за почит во меѓународната заедница со вистински евро-атлантски перспективи.

Овие промени што ги избраа граѓаните се приоритет на новата Влада на Р.Македонија-се вели во нивното соопштение.