Северот на Сирија исчистен од терористи

Повеќе од стотина станбени подрачја ширум речиси илјада километри од северниот дел на Сирија се исчистени од терористи од почетокот на операцијата „Штит Еуфрат“, соопшти денес турската војска.

Во соопштението е наведено дека од почетокот на офанзивата, од крајот на август, во артилериски и ракетни напади се уништени вкупно 1.657 цели, односно места на екстремистичката организација Исламска држава, пренесува агенцијата Анадолија.

Опозициската Слободна сириска војска (ФСА) во саботата ја превзеде контролата над четири региони, а во судирите загинаа двајца борци на ФСА, а осум се ранети.

Турција кон крајот на август испрати тенкови и специјални сили со поддршка на САД во Сирија да им помогне на востаниците да го завземат Џараблус, најдобро чуваното место на Исламска држава, но и да ги протераат џихадистите од турско-сириската граница.