Селмани: Референдум за разрешување на Иванов

 

Имер Селмани, кандидат за Претседател и поранешен министер,  смета дека ниту зголемен меѓународен притисок, па ниту некакви санкции ќе можат да го разубедат претседателот Иванов да ја смени неговата одлука за мандатот. Поради тоа Селмани не е воопшто изненаден од тоа што Иванов остана цврсто на својот досегашен став и по вчерашната средба со претседателот на Европскиот совет, Доналд Туск. Поради тоа, Селмани има еден предлог.

„Господинот Иванов се однесува како сопственик на Македонија, а не како претседател на земјата. Ги суспендира сите уставни членови кои му даваат обврски и задачи како претседател и се однесува како диктатор кој си дава право себеси кому да му даде власт, а кому не за формирање на новата влада. Тој го суспендираше Уставот и основното начело на демократијата со фактот што не го даде мандатот на новото парламентарно мнозинство кое има 67 потписи за формирање на нова влада и не очекувам јас или граѓаните дека ќе ги омекне ставовите. Во овој поглед кога не може да се постигнат две третини од гласовите во Собранието за да се покрене иницијатива за негово разрешување и да сноси одговорност пред Уставниот суд, мислам дека ситуацијата созреа граѓаните да се организираат со политичките партии на новото мнозинство и критичарите и за оваа ситуација која ја уништува земјата да собираат потписи и референдум за негово разрешување од позицијата претседател на државата“, вели  Имер Селмани за АлсатМ.

Извор:АлсатМ