Со прострелна рана во глава пронајден мртов поранешниот возач на Хазби Лика

Во близина на главниот плоштад во Тетово е пронајдено безживотното телото на поранешниот возач на Хазби Лика, Фатмир Тахири од Тетово, јави АлсатМ..

Телото е пронајдено во неговиот автомобил од страна на неговиот син, недалеку од местото на живеење. Според првичните информации од увидот, на стаклото од автомобилот се забележани дупки од огнено оружје, но сè уште не е познато дали станува збор за убиство или самоубиство.

Фатмир Тахири бил вработен во Секторот за урбанизам во општина Тетово. Засега познато е дека починатиот немал семејни проблеми, ниту пак, имал проблеми на работното место, пишува Алсат М. На местото на настанот има полиција и јавен обвинител од Канцеларијата на обвинителот во Тетово.