Спортскиот работник Илче Котевски од Ресен ја загуби битката со Ковид 19

По повеќедневна борба со Ковид 19, денеска почина Илче Котевски, претседател на РК ,,Преспа“.

Илче беше познат во градот во Преспанскиот регион и како добар угостител, хуманист и сограѓанин секогаш прв да помогне и излезе во пресрет на ресенчани.

Ресен тагува. Нема човек кој не плаче по Илче, велат негови сограѓани.

Илче Котевски беше и успешен ракометен голман.

Тој е меѓу првите заразени од овој град и во болницата 8 Септември во Скопје се наоѓаше некаде од 10 јуни со променлива здравствена состојба.

Пред два три дена значително му се влошила состојбата, па примил и крвна плазма, но од утрината бил поставен на респиратор, а кусо потоа починал.

Ресенчани се простуваат од Илија Котевски.