Талат Џафери побара од пратениците да се договорат за итни измени на Изборниот законик за локалните избори

Mинистерот за локална самоуправа и Заедницата на единиците на локалната самоуправа на Република Македонија до Собранието на Република Македонија, односно до претседателот на Собранието, г.Талт Џафери доставија барања со кои се бара Собранието на Република Македонија да најде решение за надминување на состојбата поради неодржувањето на локалните избори и се укажува на проблемите кои ќе настанат во оваа ситуација.

Претседателот на Собранието, г. Џафери, барањата ги достави до пратениците во Собранието на Република Македонија бидејќи ова прашање исклучиво е во надлежност на Собранието на Република Македонија кое бара итно усогласување на сите политички партии во Собранието во однос на потребните измени во Изборниот законик, но и на сите други активности кои се однесуваат на постапката утврдена во Деловникот на Собранието на Република Македонија како во однос на основање на сите работни тела во Собранието така и во однос на постапката за разгледување и  донесување на законите.