Таткото на Моника Ристеска ја истепал и нејзината мајка

Вчера 31 годишната Моника Ристеска, односно Конопова како што самата се претставува поради залагањето за легализација на марихуаната, објави фотографии и го обвини нејзиниот татко дека ја претепал дома.

Полицијата информираше дека семејно насилство претрпела и нејзината мајка, а таткото е веќе уапсен.

,,Во однос на фотографиите објавени на социјалните мрежи на кои се гледа лице со повреди на главата, ја информирам јавноста дека вчера во вечерните часови полициски службеници од СВР Скопје го лишиле од слобода С.Р.(64) од Скопје поради постоење основано сомнение дека сторил кривично дело по член 130 од кривичен законик и се преземаат мерки за целосно расчистување и документирање на настанот.

 Имено, Министерството за внатрешни работи во конкретниот случај постапуваше по пријава од страна на М.Р. (31) дека таа и нејзината мајка К.Р.(62) по претходна расправија биле физички нападнати од нејзиниот татко С.Р.(64) при што и биле нанесени телесни повреди.

 Како министер, но пред се како човек го осудувам секој вид на насилство, особено семејното насилство кое е насочено врз жените. Ги охрабрувам граѓаните да ја пријавуваат секоја форма на насилство, а Министерството за внатрешни работи ќе постапува професионално во насока на целосно расчистување на истото“-реагираше министерот за внатрешни работи, Наќе Чулев.