Татко го даруваше својот бубрег на синот и му го спаси животот

Дека родителската љубов е безусловна, потврдува случајот во семејството Брњарчевски од Скопје. Несебичноста и пожртвуваноста на таткото го спаси 19 годишниот Христијан.

„Татко ми без размислување го даруваше неговиот бубрег за да го спаси мојот живот. По трансплантацијата ми е многу подобро. Повеќе не одам на дијализа, а повеќе време имам за другарите и семејството. Задоволен сум од целиот третман на лекарите кои се грижеа за мене. Пред две години трчав на маратонот во Охрид. Наредната година повторно ќе се пријавам затоа што знам дека можам! Имам повеќе сила и мотивиран сум“, вели деветнаесетгодишниот Христијан Брњарчевски од Скопје со ретката болест Алпорт синдром.

За три години, на Клиниката за нефрологија се изведени 55 трансплантации на бубрези, по што пациентите имаат нова шанса за квалитетен живот.