Уапсен 69 годишен педофил од Прилеп кој бил фатен како злоупотребува дете

Основно Јавно Обвинителство побара мерка притвор за 69 годишен маж од Прилеп, кој бил фатен на место на настанот, во момент кога сексуално злоупотребувал дете помало од 14 години.

,,Кривичниот настан се случил вчера во претпладневните часови.  Осомничениот  бил забележан од вработени во ЈЗУ Здравствен дом  Прилеп како во дворот на установата врши полови дејствија врз детето. По пријавата е веднаш постапено и сторителот е лишен од слобода.

Основното јавно обвинителство Прилеп постапувајќи во предметот донесе Наредба за спроведување истражна постапка против осомниченото  лице кое е на возраст од 69 години, за сторено кривично дело Полов напад врз дете кое не наполнило 14 години од член 188 став 1 од Кривичниот законик, за кое дело е запретена затворска казна во времетраење од најмалку 12 години.

Надлежниот јавен обвинител ценеше дека се исполнети законските основи, па до Основниот суд Прилеп достави Предлог за определување на мерката притвор за осомниченото лице„-соопшти ОЈО.