Обвинителката Ленче Ристоска на својот ФБ профил објави дека од двор во куќата во Лешок , ноќеска ѝ се украдени двете хаски.

И двете се слепи, имаат шеќерна болест и не можат да преживеат без терапија. Таа бара помош да се пронајдат или да им ги вратат. Има апел и до ветеринарите.

,,Ноќеска од нашиот двор во село Лешок некој ни ги украл Астра и Зоне, две слепи хаски со шеќерна болест. Не верувам дека тој што ги украл знае за нивната здравствена состојба, која ако не се третира може да е има фатални последици. Кучињата се ослабени од болеста и лесно препознатливи.

Ова е мој прв јавен пост и всушност е апел кој има било каква информација да не исконтактира бидејќи сме загрижени и вознемирени. Нема да покренуваме никакви постапки против лицата кои ги имаат украдено, само да ни се вратат.

Кутрињата се чипирани, така што апел до сите ветеринари на кои ќе им се донесат слепи хаски на преглед да ги проверат чиповите.Она што за некој можеби е играчка за нас е дел од семејството! Астра и Зоне се дел од нашето семејство 8 години и со ваша помош се надевам дека ќе успееме да ги вратиме и дека ќе се дел од нашето семејство уште многу години.Ви благодарам однапред на сите!телефон за контакт – 070389848 Љупчо“-напиша обвинителката Ристоска.

Инаку, поради болеста што ја имаат, хаските не можат ниту да се парат.

АКО.мк