Шилегов и Царовска ,,пречекани“ од купиште ѓубре, диви живеалишта и депонии на кејот на Вардар

Во текот на акцијата за чистење што ја спроведува Владата се вклучи и Град Скопје.

На кејот на Вардар градоначалникот и министерката за труд и социјална политика ги пречека оваа слика:

Градоначалникот Шилегов и министерката Царовска

Во соработка со Министерството за труд и социјална политика, се изврши чистење на импровизираните објекти на ролерско-велосипедската патека на Вардар, која е посочена како една од локациите на која често се врши нелегално палење на отпад и придонесуваат на загадувањето на амбиенталниот воздух.

– Ова е второ чистење на оваа локација во изминативе две години и иселување на лицата кои живеат на оваа дива населба. За таа цел решивме овојпат, покрај нивно дислоцирање, да извршиме и целосно чистење на просторот со цел да спречиме нивно повторно враќање. Градот работи да ја утврди и сопственоста на конкретната локација, бидејќи тука имаше спорни состојби, за доколку истото е приватно земјиште да го задолжиме сопственикот истото да го огради, додека доколку е државно истото да го облагородиме и да го урбанизираме и да спречиме повторно да се создаваат вакви појави – кажа градоначалникот Шилегов за време на денешната акција.