Шилегов ја прашува Силјановска Давкова како се кречи ова?

Преписката на социјалните мрежи меѓу градоначалникот Петре Шилегов и професорката Гордана Силјановска Давкова, носител на листа на ВМРО ДПМНЕ за ИЕ 1, ја завршува Шилегов одговарајќи на нејзините забелешки за боемскиот живот и за кречењето на објектите што ги направил Груевски додека беше на власт.

,,Ех професорке Силјановска, добро е, сте се фокусирале, па сте составиле реченица без лапсус. За жал, не издржувате, па повторно на површина ја вадите целата своја злоба која се обидувате да ја сокриете со божемна наивност, и нормално, употребувате лични квалификации. Ама Србите викаат ,,с ким си, такав си“, па и не ме чуди.

Во недостаток на аргументи, Петре Ви бил пијандура. Стара вморонска приказна. Нема проблем, живејте си со таа приказна. Мора да си се тешите за сопствената инфериорност. И политичка, а очигледно и интелектуална. Тоа е. Ситна душа.

Нема да Ве коментирам повеќе.

Во постов Ви постирам две слики. По однос на првата, еве Ве молам објаснете ми како се ,,кречи“ оваа ограда ? Ама пред тоа, сетете се колку чини !“-пишува Шилегов.

На втората фотографија е еден од новите 4 булевар кои се направија во последниве 2.5 години.

,,Ама, веќе Ви кажав, при очи сте слепи, а при уши глуви. За жал, очигледно по сопствен избор …“-завршува тој.