Јавно обвинителство ќе го гони Заев за јавна набавка ,,тешка“ 17.000 евра

Јавното обвинителство за гонење на организиран криминал и корупција донесе Наредба за спроведување на истражна постапка против едно службено лице носител на висока функција во општина Струмица, поради основано сомнение дека сторил кривично дело Злоупотреба на службената положба и овластување од член 353 став 5 во врска со став 1  од Кривичниот законик.

Осомничениот во 2010 година во исти ден повластувајќи исто правното лице од Струмица склучил четири посебни Договори со вкупна вредност од 1.029.549,оо денари за асфалтирање на една иста улица во населено место во општина Струмица, наместо да спроведе една транспарента постапка за јавна набавка со објава на оглас за доделување на договор, истовремено распишал и спровел четири одвоени постапки за прибирање на понуди без оглас и покрај законската забрана за делење на договор за јавна набавка на повеќе посебни договори со пониска вредност, со што ги изиграл одредбите  од Законот за јавни набавки на штета на Буџетот општината-соопштуваат од Јавно обвинителство кое го раководи Марко Зврлевски.

Телевизија Алфа откри дека станува збор за Зоран Заев во времето кога бил градоначалник на Струмица, поточно за јавна набака направена пред седум години за асфалтирање на дел од улица вредна 17.000  евра.