Јане Ченто: Вие ме осудивте, историјата ќе ме ослободи

По изрекувањето на пресудите за обвинитетит за упадот во Собранието на 27 април 2017, година, и по барањето на притвор за осудените до правосилност на пресудата, осудените и нивните бранители, еден по еден образложуваа зошто не треба да им се изрече мерка притвор.

Јане Ченто, кој е осуден на 15 години затвор, самиот се обрати и рече дека нема да бара да се брани од слобода, бидејќи, како што рече, веќе еднаш врз основа на лажна белешка од полицаец, бил вратен во притвор, па сега не сака да му се случи истото.

Ченто на крајот од својот кус говор извика ,,Да живее Македонија“.

,,Вие ме осудивте, историјата ќе ме ослободи“-му рече на судечкиот совет Ченто.